ரம்ஜான் வாழ்த்துக்கள்!

தமிழகத்தில் நாளை ரம்ஜான்

சனிக்கிழமை, அக்டோபர் 13, 2007

சென்னை:

தமிழகத்தில் நாளை ரம்ஜான் பண்டிகை கொண்டாடப்படும் என தமிழக அரசின் தலைமைக் காஜியார் அறிவித்துள்ளார்.

வளைகுடா நாடுகளில் நேற்று ரம்ஜான் பண்டிகை கொண்டாடப்பட்டது. இந்தியாவின் சில பகுதிகளிலும் நேற்றே ரம்ஜான் பண்டிகை கொண்டாடப்பட்டது.

இந்த நிலையில் தமிழகத்தில் நாளை ரம்ஜான் கொண்டாடப்படும் என தமிழக அரசின் தலைமைக் காஜியார் முகம்மது சலாகுதீன் அயூப் அறிவித்துள்ளார்.

இதுகுறித்து அவர் வெளியிட்டுள்ள அறிக்கையில், ஷவ்வால் மாதப் பிறை நேற்று தென்படவில்லை. எனவே ரம்ஜான் திருநாள் ஞாயிற்றுக்கிழமை கொண்டாடப்படும் என்று அறிவித்துள்ளார்.

இதேபோல டெல்லி உள்ளிட்ட இந்தியாவின் இதர பகுதிகளிலும் நாளை ரம்ஜான் கொண்டாடப்படுகிறது.

நன்றிங்க

ரம்ஜான் வாழ்த்துக்கள்!

ரம்ஜான் வசூலுக்காக "மேக்கப்'

வரும் செய்தி கொஞ்சம் பழசுதான், படத்துக்கு பொருத்தமாகத் தோணுவதால் மீண்டும்...

ரம்ஜான் வசூலுக்காக "மேக்கப்' மாற்றம்"

பியூட்டி பார்லர்' செல்லும் பிச்சைக்காரர்கள்

மேக்கப் மாற்றம் 'பியூட்டி பார்லர்'

படம்: நன்றிங்க, தினமலர் 05/10/2007

வரும் செய்தி கொஞ்சம் பழசுதான், படத்துக்கு பொருத்தமாகத் தோணுவதால்...

ரம்ஜான் வசூலுக்காக "மேக்கப்' மாற்றம்"பியூட்டி பார்லர்' செல்லும் பிச்சைக்காரர்கள்

குற்றிப்புரம்: கம்பளி அல்லது கறுப்பு போர்வை, கையில் திருவோடு, பரட்டை தலையுடன் கோவில் வாசல்களில் போய் நின்றால், திருவோட்டில் தானாக காசு விழும். எந்த மதக் கோவிலுக்கும் இது பொருந்தும்.

இதை நன்றாக அறிந்து வைத்துள்ள பிச்சைக்காரர்கள், பண்டிகைக்குத் தகுந்தாற்போல் "மதம் மாறி' பிச்சை எடுக்கும் பழக்கத்தை மேற்கொண்டுள்ளனர். எப்படி மதம் மாறுவது?

ரொம்ப சிம்பிள்! "பியூட்டி பார்லர்'களுக்குச் சென்று "மேக்கப்' மாற்றிக் கொண்டால் ஆச்சு! கேரளா மலப்புரம் மாவட்டத்தில் பிச்சைக்காரர்களின் எண்ணிக்கை அதிகமானது. இந்த சீசனில் முஸ்லிம் வேடத்தில் பிச்சை எடுத்தால் நல்ல வருமானம் கிடைக்கிறது என்பதை அறிந்த அவர்கள் "மேக்கப் மாற' முடிவு செய்தனர்.

குற்றிப்புரம், எடப்பாள், வளாஞ்சேரி, ஆதவ நாடு, பொன்னானி, சங்கரங்குளம், திருநாவாயா போன்ற பகுதிகளில் பிச்சை எடுப்பவர்களை தயார் செய்வதற்காகவே, குற்றிப்புரம் பழைய ரயில்வே கேட்டுக்கு அருகில் "பியூட்டி பார்லர்' இயங்குகிறது. தமிழகத்தில் சேலம், பொள்ளாச்சி, திருச்சி போன்ற இடங்களில் இருந்து ரயிலில் வந்திறங்கும் நூற்றுக்கணக்கான பிச்சைக்காரர்கள் நேராக இந்த அழகு நிலையத்துக்கு சென்று விடுகின்றனர்.

முஸ்லிம் வேடத்திற்காக தலைப் பாகை மாட்டுவதற்கு 12 ரூபாய் முதல் 20 ரூபாய் வரை ஆகிறது. பெண் களுக்கு பர்தா, மப்தா, மக்கனா போன்றவற்றை அணிவித்து முஸ்லிம் பெண்களை போல மாற்றும் பெண் அழகு நிபுணர்களும் இங்கு இருக்கின்றனர். பஸ் நிலையம் மற்றும் ரயில்வே நிலையங்களில் இந்த "முஸ்லிம்' பிச்சைக் காரர்கள் நிறைந்து காணப்படுகின்றனர். வேடம் மாற்றி பிச்சை எடுப்பதால், நாள் ஒன்றுக்கு 100 முதல் 800 ரூபாய் வரை இவர்களுக்கு கிடைக் கிறது.

நன்றிங்க, தினமலர் 26/09/2007