சிரஞ்சீவிக்கு சந்திரபாபு நாயுடு ஆறுதல்!

சிரஞ்சீவிக்கு சந்திரபாபு நாயுடு ஆறுதல்

மகள் காதலருடன் கல்யாணம் செய்து கொண்ட சோகத்தில் இருக்கும் தெலுங்கு மெகா ஸ்டார் சிரஞ்சீவியையும், அவரது மனைவியையும், முன்னாள் முதல்வர் சந்திரபாபு நாயுடு, தனது மனைவி புவனேஸ்வரியுடன் சென்று ஆறுதல் கூறினார். அவரிடம் கண்ணீர் விட்டு அழுதுள்ளார் சிரஞ்சீவி.

சிரஞ்சீவியின் மகள் ஸ்ரீஜா, தனது காதலர் சிரீஷ் பரத்வாஜுடன் ரகசியக் கல்யாணம் செய்து கொண்டு தலைமறைவாக இருக்கிறார். தனது தந்தையால் உயிருக்கு ஆபத்து இருப்பதாக கூறி டெல்லி உயர்நீதிமன்றத்தில் மனு தாக்கலும் செய்தார். அதை ஏற்ற நீதிமன்றம், ஸ்ரீஜாவுக்கு பாதுகாப்பு அளிக்க உத்தரவிட்டுள்ளது. சிரஞ்சீவிக்கும் விளக்கம் கேட்டு நோட்டீஸ் அனுப்பியுள்ளது.

தனது மகளை மன்னித்து விட்டதாகவும், அவரது திருமணத்தை அங்கீரித்து விட்டதாகவும், எங்கிருந்தாலும் மீண்டும் வீட்டுக்கு திரும்பி வர வேண்டும் எனவும் ஆந்திர பத்திரிக்கைகள் மூலம் சிரஞ்சீவி வேண்டுகோள் விடுத்துள்ளார். இருப்பினும் இன்னும் கூட மகள் தந்த அதிர்ச்சியிலிருந்து சிரஞ்சீவ மீளவில்லை. எங்கும் செல்லாமல் வீட்டிலேயே இருக்கிறார். சிரஞ்சீவியின் குடும்பத்தினர் பெரும் சோகத்திலும், அவமானத்திலும் கூனிக் குறுகிப் போயுள்ளனர்.

பெரும் சோகத்தில் இருக்கும் சிரஞ்சீவி குடும்பத்தினரை திரையுலகினரும், அரசியல்வாதிகளும் சந்தித்து ஆறுதல் கூறி வருகின்றனர்.

இந்த நிலையில், சிரஞ்சீவியை ஆந்திர மாநில முன்னாள் முதல்வர் சந்திரபாபு நாயுடு, தனது மனைவி புவனேஸ்வரியுடன் சென்று சந்தித்தார். என்.டி.ராமராவின் மகள்தான் புவனேஸ்வரி. அவரும் சிரஞ்சீவியின் மனைவி சுரேகவும் நீண்ட நாளைய தோழிகள் என்பது குறிப்பிடத்தக்கது.

நாயுடுவையும், புவனேஸ்வரியையும் பார்த்த சிரஞ்சீவி தம்பதியினர் கண்ணீர் விட்டு அழுதுள்ளனர். அவர்களைத் தேற்றிய நாயுடுவும், சுரேகாவும் எப்படி ஆறுதல் சொல்வது என்று தெரியாமல் சில நிமிடங்கள் அமைதியாக இருந்தனராம்.

நன்றிங்க

வெள்ளத் திரையில் ஏழையாக பரோபகாரியாக வரும் கதாநாயகன், பணக்கார வில்லனின் மகளைக் காதலிப்பார். அதற்காக வில்லனிடமிருந்து எத்தனை எதிர்ப்பு வந்தாலும் அவையனைத்தையும் முறியடித்து காதலியைக் கைபிடிப்பார் நாயகன். திரையரங்குகளில் இதைப் பார்த்து விட்டு வேளியேறும் ரசிகப் பெருமக்கள் ஆஹா...பிரமாதம் என்னதான் இருந்தாலும் காதலியைக் கைவிடவில்லை பாருங்கள் அங்குதான் நாயகன் நிற்கிறார் என்று காதலுக்கு சென்டிமெண்ட் வழங்குவார்கள்.

பணக்காரப் பெண்ணை சாதாரண ஏழையாகிய நாயகன் காதலித்து காதலியின் சம்மதத்தோடு கடத்திச் சென்றுத் திருமணம் செய்து குடும்பம் நடத்துவார் இது வெள்ளித் திரையில் காதல் தெய்வீகமானது என்று வர்ணிக்கப்டும் இந்தக் காதல் வர்ணனைகள் எல்லாம் வெள்ளித் திரையோடு சரி நிஜவாழ்க்கையில் அந்த நாயகனும் தன் மகள் காதல் விஷயத்தில் வில்லானாகி விடுகிறார் பாருங்கள்.

காதலித்தால் அது அவமானமில்லீங்க என்ற தத்தவ வசனங்கள் வெள்ளித்திரையோடு முடிந்து விடுகிறது.

வெள்ளத் திரை வாழ்க்கை வேறு, நிஜ வாழ்க்கை வேறுங்க.

2. மாணவியை அடித்துக் கொன்ற ஆசிரியர்!

காதலிக்க மறுத்த மாணவியை அடித்துக் கொன்ற ஆசிரியர்

செவ்வாய்க்கிழமை, அக்டோபர் 16, 2007

நகரி:

தன்னை காதலிக்க மறுத்த மாணவியை ஆசிரியர் அடித்தே கொன்றுள்ளார். ஆந்திர மாநிலத்தில் இச் சம்பவம் நடந்தது.

ஆந்திர மாநிலம் நகரி அருகே உள்ள நாகுலபாலேனி கிராமத்தைச் சேர்ந்தவர் ஆஞ்சநேயலு(29). இவர் பர்னூர் என்ற ஊரில் உள்ள ஜூனியர் கல்லூரியில் ஆசிரியராக வேலை பார்த்து வருகிறார்.

தில்ஷாத் பேகம் (18) என்பவர் இதே ஜூனியர் கல்லூரியில் 11ம் வகுப்பு படித்து வருகிறார். தில்ஷாத் பேகத்தை, ஆசிரியர் ஆஞ்சநேயலு ஒருதலைப்பட்சமாக காதலித்து வந்துள்ளார்.

இதனால் கல்லூரி வளாகத்தில் அந்த மாணவியிடம் எந்த மாணவராவது பேசினால் அவர்களை அழைத்து அடித்து உதைத்துள்ளார் ஆஞ்சநேயலு.

ஆனால், தில்ஷாத் நான் உங்களை காதலிக்கவில்லை. என்னை விட்டு விடுங்கள் என்று ஆஞ்சநேயலுவிடம் கூறியுள்ளார்.

இதனால் வெறுத்துப் போன ஆஞ்சநேயலு தில்ஷாத் பேகத்தை தனது வீட்டுக்கு வரச் சொல்லி அழைத்துள்ளார். அங்கு வந்த தில்ஷாத்திடம் கடைசியாக கேட்கிறேன், நீ என்னை காதலிக்கிறாயா, இல்லையா என்று மிரட்டியுள்ளார்.

தில்ஷாத் இல்லை என்று கூறவே அங்கிருந்த உருட்டுக் கட்டையால் மிகக் கொடூரமாக தாக்கியுள்ளார். இதில் மண்டை உடைந்து அங்கேயே பலியானார் தில்ஷாத்.

இதையடுத்து ஆஞ்சநேயலுவை போலீசார் கைது செய்துள்ளனர்.

நன்றிங்க

எதுவும் தானாக கனிய வேண்டும்.

14 வயது மாணவருடன் 45 வயது நடன ஆசிரியை ஓட்டம்.

02. 14 வயது மாணவருடன் 45 வயது நடன ஆசிரியை ஓட்டம்

புதுடில்லி: டில்லியில், 9ம் வகுப்பு படிக்கும் மாணவர், 45 வயது நடன ஆசிரியை விரித்த காதல் வலையில் சிக்கி அவருடன் தலைமறைவாகி விட்டார்.

டில்லியில், பாஷ் மாவட்டத்தில் உள்ள கல்காஜியில் மேற்கு வங் கத்தைச் சேர்ந்த தம்பதியர் வசிக்கின்றனர். இவர்களது மகன், அங்குள்ள பள்ளியில் 9ம் வகுப்பு படிக்கிறார். 14 வயதான அவருக்கு இன்டர்நெட்டில் "சாட்' செய்யும் பழக்கம் உண்டு. இன்டர்நெட்டில் "பேசியபோது' ஒரு பெண்ணின் அறிமுகம் கிடைத்தது. அறிமுகமான அப்பெண்ணின் வயது 45. திருமணமாகாதவர். அப்பெண், மயூர் விஹாரில் தன் தாயுடன் வசித்து வருகிறார்.

கமலா நகரில் உள்ள கிளாசிக் டான்ஸ் இன்ஸ்டிடியூட்டில், பெண் களுக்கு நடனம் கற்றுத்தரும் ஆசிரியையாக உள்ளார்.இன்டர்நெட்டில் ஆரம்பித்த இவர்களின் நட்பு, சிறிது சிறிதாக, காதலாக மாறியது. காதல் மயக்கத் தில் இவர்களுக்கு வயது ஒரு பொருட் டாக தெரியவில்லை. அடிக்கடி நேரிலும் சந்திக்க ஆரம்பித்தனர். சென்ற மாதம் இவர்கள் இருவரும் ஒன்றாக ரெஸ்ட்டாரன்டில் அமர்ந்து உணவருந்துவதைப் பார்த்த மாணவருடைய தந்தையின் நண்பர், இந்த காதல் விவகாரத்தை, தந்தையிடம் கூறினார்.

மாணவரின் தந்தை, மாணவரை அழைத்து விசாரித்தார். "அவரும், நாங்கள் இருவரும் நண்பர்களாகத் தான் பழகுகிறோம்' என்றார்.கடந்த ஆக., 27ம் தேதி மாணவர் திடீரென காணாமல் போனார். இது குறித்து சி.ஆர்.பார்க் போலீசில் மாணவரின் தந்தை புகார் கொடுத்தார். மேலும், பள்ளியில் தன் மகனுக்கு பெண் தோழிகளே கிடையாது என்றும் தெரிவித்தார். போலீசாரும் பல இடங்களில் தேடி, இறுதியாக, நடன ஆசிரியையின் வீட்டிற்கு சென்றனர். அங்கு அவரது 70 வயதான தாயார் தான் இருந்தார். ஆசிரியை மாயமாகியிருந்தார்.அந்த மாணவர் தன்னுடைய மொபைல் போனை வீட்டிலேயே விட்டுவிட்டு சென்றிருப்பது போலீசாருக்கு தெரிய வந்தது. போலீசார் அந்த நடன ஆசிரியை போனை கண் காணித்தபோது, அவர் அந்த மாணவருடன் அரியானாவில் இருப்பது தெரிய வந்தது.இவர்களைத் தேடி போலீசார் அரியானா விரைந்துள்ளனர்.

நன்றிங்க

அட மக்கா!!!

இதைத்தான் காதலுக்கு வயசில்லை என்பாங்களோ!

எம்மதமும் சம்மதங்க!

திருமண வரன் விளம்பரங்களில் "மதம் ஓர் தடையில்லை!" "எம்மதமும் சம்மதம்" என்று சிலர் குறிப்பிடுவார்கள். இந்த பாலிசியைக் கடைபிடித்து சீனிவாசன் என்ற இந்து மதத்தைச் சார்ந்த ஒரு ஏமாற்றுக்காரன் பற்றிய செய்தியப் பாருங்க!

முஸ்லீம் பெண்ணை மணந்த இந்து வாலிபர்
கிறிஸ்தவ பெண்ணை ஏமாற்றி திருமணம்!!

மே 04, 2007

சென்னை: முஸ்லீம் பெண்ணை கல்யாணம் செய்து கொண்ட இந்து வாலிபர், அதை மறைத்து விட்டு கிறிஸ்தவப் பெண் ஒருவரையும் திருமணம் செய்து கொண்டார். இதையடுத்து அவரைப் போலீஸார் கைது செய்தனர்.

சென்னை காலடிப்பேட்டையைச் சேர்ந்தவர் சீனிவாசன். செல்போன் வியாபாரம் செய்து வருகிறார். இவருக்கும் ரஸியா பேகம் என்ற முஸ்லீம் பெண்ணுக்கும் கடந்த 2001ம் ஆண்டு காதல் மலர்ந்தது. ரஸியா பேகம் ஆசிரியையாக உள்ளார்.

இருவரும் வேறு வேறு மதம் என்பதால் இருவரது வீடுகளிலும் எதிர்ப்பு கிளம்பியது. இதையடுத்து இந்து முறைப்படி ரஸியா பேகத்தை கல்யாணம் செய்து கொண்டார் சீனிவாசன். அதன் பின்னர் இருவரும் தனி குடித்தனத்தை ஆரம்பித்தனர்.

இருவரது குடும்பத்தினரும் இவர்களை ஏற்றுக் ரொள்ளவில்லை. இருந்தாலும் அதுகுறித்துக் கவலைப்படாமல் இருவரும் வசித்து வந்தனர். ஆரம்பத்தில் சிறப்பாக போய்க் கொண்டிருந்த குடும்ப வாழ்க்கை நாளாக நாளாக கசக்க ஆரம்பித்தது.

அடிக்கடி தனது மனைவியிடம் பணம் கேட்டார் சீனிவாசன். ரஸியா பேகமும் கொடுத்து வந்தார்.

இந்த நிலையில்தான் தனது செல்போன் கடையில் வேலை பார்த்து வந்த மைதிலி என்ற பெண் மீது காதல் கொண்டார் சீனிவாசன். மைதிலியிடம் தனக்கு திருமணம் ஆன விவகாரத்தை மறைத்து அவரைக் காதலிக்க ஆரம்பித்தார் சீனிவாசன்.

மைதிலியின் காதல் விவகாரம் அவரது குடும்பத்தினருக்குத் தெரிய வந்தது. அவர்கள் எதிர்ப்பு தெரிவிக்காமல் கல்யாணத்துக்கு ஒத்துக் கொண்டனர். மைதிலி கிறிஸ்தவப் பெண் என்பதால் அவரது கல்யாணம் பிராட்வேயில் உள்ள கிறிஸ்தவ பேராலாயத்தில் நடந்தது.

இந்த நிலையில் இதுகுறித்துக் கேள்விப்பட்டார் ரஸியா பேகம். அதிர்ச்சி அடைந்த அவர் தேவாலயத்திற்கு விரைந்தார். ஆனால் அதற்குள் கல்யாணம் ஆகி விட்டது. மண்ணடியில் உள்ள கல்யாண மண்டபத்தில் வரவேற்பு நடப்பதாக தெரிய வந்தது.

இதையடுத்து போலீஸுக்குத் தகவல் கொடுத்தார் ரஸியா பேகம். பின்னர் அங்கு விைரந்தார். போலீஸாரும் மண்டபத்திற்கு விரைந்து வந்தனர். நடந்ததை அறிந்து மைதிலி குடும்பம் அதிர்ச்சியில் ஆழ்ந்தது.

இதையடுத்து மைதிலியின் தந்தையும் ஒரு புகார் கொடுத்தார்.

ரஸியா பேகம் மற்றும் மைதிலியின் தந்தை கொடுத்த புகார்களின் பேரில் போலீஸார் வழக்குப் பதிவு செய்து சீனிவாசனைக் கைது செய்தனர்.

இந்து வாலிபர் இரு மதத்தைச் சேர்ந்த பெண்களை மோசடி செய்த சம்பவம் அப்பகுதியில் பரபரப்பை ஏற்படுத்தியுள்ளது.

நன்றிங்க

முஸ்லிம்கள் ஒன்றுக்கு மேற்பட்ட திருமணம் செய்கிறார்கள் என்று ஒப்பாரி வைப்பவர்கள் அனேகமாக தலையில் துண்டைப் போட்டுக் கொண்டுதான் இனி சொல்ல வேண்டும். அதிக பட்சம் நான்கு திருமணம் செய்து கொள்ளலாம் என்ற மார்க்க அனுமதி இருந்தாலும் முஸ்லிம்களில் 99% ஒருவனுக்கு ஒருத்தி என்றே வாழ்கிறார்கள் .

ஐயா,
இது போன்ற ஏமாற்றுக்காரர்கள் எல்லா மதங்களிலும் உண்டு. ஏமாற்றியவர் இந்துவாக இருந்தாலும் கைது செய்யப் பட்டுள்ளாரே! ஆகவே இதை பெரியமனசு பண்ணி பெரிசு படுத்தாமல் விட்டுவிடுங்கள் என்று நடுநிலையாளர்கள் சொல்லலாம்.

விபச்சாரம் + ஏமாற்றுதல் ஆகிய குற்றங்களாகக் கருதப்பட்டு பொதுவில் வைத்து தண்டிப்பதன் மூலம் இதுபோன்ற ஏமாற்றுக்காரர்கள் உருவாகாமால் இருக்க ஒரு சமூகக் கட்டுப்பாட்டை உருவாக்குகிறது இஸ்லாம்.

ஆனால் தற்போது கைது செய்யப்பட்டுள்ள சீனிவாசன் எப்படியும் பதினைந்து நாட்களுக்குள் வெளிவந்து மீண்டும் தன் கைவரிசையைக் காட்டுவார். அப்போதும் நமது பத்திரிக்கைகள் மூன்று பெண்களை ஏமாற்றியவன் XXXX ஆவது பெண்ணை ஏமாற்றும்போது கைது! என்று ஏமாற்றுபவர்களுக்கு புகழாரங்களுடன் ஊடக முக்கியத்துவம் கொடுத்து இன்னும் பல ஏமாற்றுக்காரர்களை உருவாக்குவார்கள்!

ஏமாற்றுக்காரர்களை நம் நாட்டு சட்டத்தால் தண்டிக்க முடியாது!

ஏன் தெரியுமா?

அவர்கள் சட்டத்தையும் ஏமாற்றத் தெரிந்தவர்கள்!

**************************************
இதே மாதிரி ஒரு செய்தியை (இதில் மோசடி இருப்பதாக தெரியல) வைத்து காவி பரிவாரக் கும்பல்கள் கும்மியடிப்பதை இங்கே பாருங்க.

இந்துத்துவாக்களுக்கு 'அரசியல்' பண்ண ஒரு காரணம் கிடைத்து விட்டது.