கர்ப்பிணி மனைவியை வெட்டிக் கொன்ற கணவன்!

கர்ப்பிணி மனைவியை வெட்டிக் கொன்ற கணவன்

திங்கள்கிழமை, செப்டம்பர் 24, 2007

அம்பாசமுத்திரம்:

குடிப்பதற்கு பணம் கொடுக்காததால், கர்ப்பமாக இருந்த மனைவியை வெட்டி கொலை செய்தார் கணவர்.

அம்பை அருகே உள்ளது பிரம்மதேசம் என்ற கிராமம். இங்குள்ள பஞ்சாயத்து அலுவலக தெருவில் வசிப்பவர் நாராயணன் என்ற செல்வகுமார்.

இவரது மனைவி நாலாயிரத்து செல்வி. இருவரும் மூன்றரை வருடங்களுக்கு முன்பு காதலித்து திருமணம் செய்து கொண்டனர்.

இவர்களுக்கு ஒரு குழந்தை உள்ளது. செல்வக்குமார் முன்பு டிரைவராக வேலை பார்த்தார். அதில் வருமானம் போதவில்லை. அதனால் தற்போது கொத்தனார் வேலைக்கு சென்று வந்தார்.

இந்த வேலைக்கும் ஒழுங்காக செல்லாமல் செல்வகுமார் மாமனார் வீட்டில் தங்கி இருந்தார். வேலைக்கும் செல்லாமல், மனைவியிடமிருந்து குடிப்பதற்காக அடிக்கடி மனைவியிடம் பணம் கேட்டு வாங்கியுள்ளார்.

இந்நிலையில் நேற்று மதியம் மனைவியிடம் குடிப்பதற்கு பணம் கேட்டு செல்வகுமார் தகராறு செய்துள்ளார். அப்போது மனைவி நாலாயிரத்து செல்வி பணம் தர மறுத்ததாக கூறப்படுகிறது.

இதனால் ஆத்திரம் அடைந்த செல்வகுமார் சமையலறையில் இருந்த நாலாயிரத்தை அரிவாளால் கழுத்தில் வெட்டினார். இதில் பலத்த காயம் அடைந்த அவர் சம்பவ இடத்திலேயே துடிதுடித்து இறந்தார்.

நன்றிங்க

குடி குடியைக் கெடுத்து விட்டது!

கணினிப் பைத்தியம்!

கணவரின் கம்ப்யூட்டரின் 'பைத்தியம்'!:
மனமுடைந்த மனைவி தற்கொலை!!
ஆகஸ்ட் 07, 2007

சென்னை: எந்த நேரமும் கம்ப்யூட்டரே கதி என்று கணவர் இருந்ததால், மனமுடைந்த மனைவி தூக்குப் போட்டுத் தற்கொலை செய்து கொண்டார்.

திருச்சியைச் சேர்ந்தவர் ரமேஷ். இவர் சென்னை நுங்கம்பாக்கத்தில் உள்ள வானிலை ஆய்வு மையத்தில் பணியாற்றி வருகிறார். இவருக்கு புவனேஸ்வரி (25) என்ற மனைவியும், இரு குழந்தைகளும் உள்ளனர்.

வானிலை ஆராய்ச்சி மைய வளாகத்தில் உள்ள குடியிருப்பில் குடும்பத்துடன் தங்கியிருக்கிறார் ரமேஷ். அவருக்கு வானிலை ஆராய்ச்சி குறித்து ஆர்வம் அதிகமாம். இதுதான் இன்டர்நெட் காலமாச்சே.

இதனால் சதாசர்வ நேரமும் இன்டர்நெட்டில் புகுந்து கால நிலை மாற்றம், வானிலை, தட்பவெப்பம் குறித்த பல தகவல்களைத் தேடிப் பிடித்துப் படிப்பார்.

இந்த ஆர்வம் நாளுக்கு நாள் அதிகமாகி எப்போது பார்த்தாலும் கம்ப்யூட்டரும், இன்டர்நெட்டுமாக இருக்க ஆரம்பித்துள்ளார். மனைவி, குழந்தைகள் இருப்பதையே மறந்து போனவராக மாறினார் ரமேஷ்.

இதனால் கணவன்-மனைவி இடையே தகராறு ஏற்பட்டு வந்தது.

இந் நிலையில் நேற்று முன்தினம் அதிகாலை கணவரும், குழந்தைகளும் தூங்கிக் கொண்டிருந்தபோது, புவனேஸ்வரி, சேலையால் தூக்குப் போட்டுத் தற்கொலை செய்து கொண்டார்.

காலையில் விழித்தெழுந்த ரமேஷும், குழந்தைகளும் புவனேஸ்வரி தூக்கில் தொங்குவதைப் பார்த்து கதறி அழுதனர். போலீஸாருக்குத் தகவல் போய் அவர்கள் விரைந்து வந்தனர். புவனேஸ்வரி சாவதற்கு முன்பு ஒரு கடிதம் எழுதி வைத்திருந்தார்.

அதில், மனக் குழப்பத்துடன் வாழ்ந்து வந்தேன். இந்த மனக் குழப்பத்துடன் என்னால் தொடர்ந்து வாழ முடியாது. பல கஷ்டங்களைப் பட்டு விட்டேன். என் சாவுக்கு யாரும் காரணம் இல்லை. நானாகவே தற்கொலை செய்து கொள்கிறேன். குழந்தைகளைப் பார்த்துக் ெகாள்ளவும் என்று எழுதி வைத்துள்ளார்.

நன்றிங்க thatstamil, 07.08.2007

கணினியில் நேரம் போவது தெரியாமல் அமர்ந்திருக்கும் கணவன்மார்களே பத்திரமய்யா!