தமிழக அரசு கேபிள் டிவி கார்ப்பரேஷன் உதயம்!

தமிழக அரசு கேபிள் டிவி கார்ப்பரேஷன் உதயம்!

ஆகஸ்ட் 14, 2007

சென்னை: தமிழகத்தில் கேபிள் டிவி ஒளிபரப்பை மேற்கொள்வதற்காக தமிழக அரசு அமைத்துள்ள தனி நிறுவனத்துக்கு தமிழக அரசு கேபிள் டிவி கார்ப்பரேஷன் என்று பெயரிடப்பட்டுள்ளது.

கேபிள் டிவி ஒளிபரப்பை அரசே மேற்கொள்ள வேண்டும் என்று பாமக நிறுவனர் டாக்டர் ராமதாஸ் கோரி வந்தார். இதையடுத்து கேபிள் டிவி ஒளிபரப்பை அரசே மேற்கொள்வது குறித்து முதல்வர் கருணாநிதியின் உத்தரவுப்படி எல்காட் (எலக்ட்ரானிக்ஸ் கார்ப்பரேஷன் ஆப் தமிழ்நாடு) அதிகாரிகள் ஆய்வு நடத்தினர்.

இந்த ஆய்வின் அடிப்படையில் முதல்வரிடம் பரிந்துரைகள் கொடுக்கப்பட்டன. இதையடுத்து புதிய கேபிள் டிவி கட்டமைப்பு உருவாக்க தமிழக அமைச்சரவைக் கூட்டத்தில் சமீபத்தில் ஒப்புதல் அளிக்கப்பட்டது.

தற்போது இந்த கட்டமைப்புக்கு உருவம் கொடுக்கப்பட்டுள்ளது. இதுதொடர்பாக தமிழக அரசு வெளியிட்டுள்ள அறிக்கையில், தமிழக அரசு கம்பி வட தொலைக்காட்சி சேவையை வழங்குவது சம்பந்தமாக 11.8.2007 அன்று அமைச்சரவைக் கூட்டத்தில் எடுத்த முடிவின்படி அரசு கேபிள் டிவி கார்ப்பரேஷன் என்ற புதிய அரசு பொதுத்துறை நிறுவனம் தொடங்கப்படும்.

இந்த நிறுவனத்திற்கு தலைவர் மற்றும் நிர்வாக இயக்குநர் இருப்பார். இவர் தவிர நான்கு இயக்குநர்களும் இருப்பார்கள். நிதித்துறைச் செயலாளர் ஞானதேசிகன், தகவல் தொழில்நுட்பத் துறை செயலாளர் சந்திரமெளலி, எல்காட் நிர்வாக இயக்குநர் உமாசங்கர், தமிழ்நாடு மின் வாரியத் தலைவர் ஹன்ஸ்ராஜ் வர்மா ஆகியோரே அவர்கள்.

இந்த பொதுத் துறை நிறுவனத்தில் தனியார் நிறுவனம் எதுவும் சேர்க்கப்பட மாட்டாது. முழுக்க முழுக்க அரசு பொதுத் துறை நிறுவனமாகவே இது செயல்படும் என அறிவிக்கப்பட்டுள்ளது.

நன்றிங்க

அப்படியே டாடா நிறுவனத்துக்கும் டாடா சொல்லிட்டு அந்தத் திட்டத்தை தமிழக அரசே செயல்படுத்தலாமே! என்ன நாஞ்சொல்றது...?

2. தமிழக இலவச டிவி கள் கேரளாவில் விற்பனை.

2. தமிழக இலவச டிவி கள் கேரளாவில் விற்பனை

கோழிக்கோடு : தமிழகத்தின் இலவச கலர் டிவி கள் கேரளாவில் மும்முரமாக விற்பனை செய்யப்படுகின்றன.

தமிழக அரசு இலவசமாக வினியோகித்துள்ள கலர் டிவி கள், கேரளாவில் விற்பனைக்கு வருகின்றன. ஏஜென்டுகள் மூலமாக மிக மலிவான விலைக்கு வாங்கப்படும் இந்த கலர் டிவி கள், கேரளாவில், குமுளி, வண்டிப் பெரியாறு, வெங்கலப்பாறை, வட்டப்பாறை, முண்டியெருமை, பாம்பனாறு, குட்டிக்கானம், கோட்டயம் முதலிய இடங்களில் இருக்கும் கடைகளில் மிகவும் சாதாரணமாக விற்கப்படுவதாக புகார் எழுந்துள்ளது.

தி.மு.க.,வின் தேர்தல் வாக்குறுதிப்படி முதல் கட்டமாக மதுரை, திண்டுக்கல், தேனி, கன்னியாகுமரி மாவட்டங்களில் 25 லட்சம் குடும்பங்களுக்கு டிவி வழங்கப்பட்டது. அடுத்த கட்டமாக நவம்பர் மாதம் மேலும் 30 லட்சம் குடும்பங்களுக்கு வழங்கப்பட்டது.

ஏற்கனவே டிவி வைத்திருப்பவர்கள், மின்சார இணைப்பு இல்லாதவர்கள், பணக் கஷ்டத்தில் இருப்பவர்கள் இலவச டிவி யை விற்று விடுகின்றனர். ஆயிரம் ரூபாய் முதல் ஆயிரத்து 200 ரூபாய் வரை இவற்றை விலைக்கு வாங்கும் ஏஜென்டுகள், கேரளாவுக்கு கொண்டு சென்று, நான்காயிரம் முதல் ஐந்தாயிரம் ரூபாய் வரை விலை வைத்து விற்று விடுகின்றனர்.

நன்றிங்க

ஆக, இலவச கலர் டெலிவிஷன் திட்டம் பலபேருக்கு பிழைப்பைக் கொடுக்கிறது என்று சொல்லுங்க!