2. கூட்டணி சதி - கூறுகிறார் வேதாந்தி!

தோரியத்தை 'திருடி' அமெரிக்காவுக்கு விற்க காங். கூட்டணி சதி - கூறுகிறார் வேதாந்தி!

ஞாயிற்றுக்கிழமை, அக்டோபர் 7, 2007

கோண்டா (உ.பி.):

ராமர் பாலப் பகுதியில் நிறைந்து கிடக்கும் தோரியத்தை திருட்டுத்தனமாக எடுத்து விற்கவே ராமர் பாலத்தை இடிக்க ஐக்கிய முற்போக்குக் கூட்டணி முயல்கிறது என்று சர்ச்சை சாமியார் வேதாந்தி கூறியுள்ளார்.

ராமர் குறித்துக் கருத்துக் கூறிய முதல்வர் கருணாநிதியின் தலைக்கும், நாக்குக்கும் விலை வைத்து பெரும் சர்ச்சையில் சிக்கியவர் வி.எச்.பி.யைச் சேர்ந்தவரும், முன்னாள் பாஜக எம்.பியுமான ராம் விலாஸ் வேதாந்தி.

வேதாந்தி தலைமையில் உத்தரப் பிரதேச மாநிலம் கோண்டா நகரில், ராமர் பால பாதுகாப்பு பாதயாத்திரை நடந்தது.

நிகழ்ச்சியில் கலந்து கொண்டு வேதாந்தி பேசுகையில், ராமர் பாலம் உள்ள பகுதியில் பெருமளவில் தோரியம் கிடைக்கிறது. இந்த தோரியத்தை எடுத்து அமெரிக்காவுக்கு திருட்டுத்தனமாக விற்க ஐக்கிய முற்போக்குக் கூட்டணி ரகசிய சதித் திட்டம் தீட்டியுள்ளது. இதற்காகத்தான் ராமர் பாலத்தை உடைக்க துடிக்கிறார்கள்.

இந்தக் கூட்டுச் சதியில் சோனியா காந்தி, மத்திய அமைச்சர்கள் டி.ஆர்.பாலு, அம்பிகா சோனி, முதல்வர் கருணாநிதி ஆகியோருக்கு தொடர்பு உள்ளது.

கோடிக்கணக்கான இந்துக்களின் உணர்வுகளோடு தொடர்புடையது ராமர் பாலம்.

டெல்லியில் ராமேஸ்வரம் யாத்திரை நடக்கவுள்ளது. அதில் நாங்கள் பெரும் திரளாக பங்கேற்போம் என்றார் அவர்.

நன்றிங்க

// தோரியத்தை எடுத்து அமெரிக்காவுக்கு திருட்டுத்தனமாக விற்க ஐக்கிய முற்போக்குக் கூட்டணி ரகசிய சதித் திட்டம் தீட்டியுள்ளது.//

ஆஹா...

இதுவரை உதிர்க்காத முத்துக்கள்.

இதுக்காக பேச்சு வார்த்தை நடத்தவே சோனியாவும் சமீபத்தில் அமெரிக்கா சென்றார் என்பதையும் சேர்த்து உதிர்க்கட்டும்.

சேது திட்ட இயக்குனர் தகவல்.

இருப்பது மணல் திட்டு தான், பாலம் அல்ல நாஸா உறுதி- சேது திட்ட இயக்குனர் தகவல்

ஜூலை 28, 2007

சென்னை: சேது கால்வாய் தோண்டப்படும் ஆதாம் பால பகுதியில் இருப்பது வெறும் மணல் திட்டுக்கள் தான் எனவும், அங்கு மனிதனால் உருவாக்கப்பட்ட பாலம் ஏதும் இல்லை எனவும் நாஸா விண்வெளி ஆய்வு மையம் தெரிவித்துள்ளதாக இத் திட்டத்தின் இயக்குனர் ரகுபதி கூறியுள்ளார்.

சேது சமுத்திரத் திட்டப் பணி நடந்து வரும் இடத்தில் மனிதனால் உருவாக்கப்பட்ட பாலம் (ராமர் பாலம்) இருப்பதாகவும் அதை நாஸா உறுதி செய்துள்ளதாகவும் விஎச்பி உள்ளிட்ட அமைப்புகள் கூறி வருகின்றன.

இதனால் அதை இடிக்க பல அமைப்புகள் எதிர்ப்பு தெரிவித்து வருகின்றன.

இந் நிலையில் சென்னையில் நிருபர்களிடம் பேசிய சேது சமுத்திரத் திட்ட இயக்குனர் ரகுபதி, சேது சமுத்திரத் திட்டப் பணி நடந்து வரும் இடத்தில் இருப்பது வெறும் மணல் திட்டு தான் என நாஸா தெரிவித்துள்ளது.

அது மனிதனால் உருவாக்கப்பட்ட பாலம் அல்ல என்றும் கூறியுள்ளது.

இது தொடர்பாக நாஸாவே சேது சமுத்திரத் திட்ட கமிஷனுக்கு இ-மெயில் அனுப்பியுள்ளது என்றார்.

நன்றிங்க
----------------------------------------------

//அது மனிதனால் உருவாக்கப்பட்ட பாலம் அல்ல என்றும் கூறியுள்ளது.//

''மனிதனால் உருவாக்கப்பட்ட பாலம் அல்ல'' என்பதுதானே பரிவாரங்களின் வாதமும், இல்லையா பின்னே...!?

பாரம்பர்யச் சின்னம்.

ராமர் பாலம் இடிப்பை தடுக்க பாஜக போராட்டம்

ஏப்ரல் 11,2007

சென்னை: சேது சமுத்திர திட்டத்திற்காக ராமர் பாலத்தை இடிப்பதை தடுக்க மக்களை ஒன்று திரட்டி போராட்டம் நடத்தவோம் என பாரதீய ஜனதா கட்சியின் தமிழக தலைவர் இல.கணேசன் தெரிவித்துள்ளார்.

ராமர் பாலம் பாதுகாப்பு இயக்கம் சார்பில், ராமர் பாலத்தை இடிப்பதை எதிர்த்து தமிழகம் முழுவதும் போராட்டம நடத்தி வருகிறது. இதை இல.கணேசன் மற்றும் ஜனதா கட்சி தலைவர் சுப்ரமணியாசாமி ஆகியோர் தொடங்கி வைத்தனர்.

அப்போது செய்தியாளர்களிடம் பேசிய கணேசன்,

ராமர் பாலம் தமிழகத்தின் பழமையான பாரம்பரிய சின்னம். உலக நாடுகள் தங்கள் பாரம்பரிய சின்னங்களை பாதுகாக்க கோடிக் கணக்கில் செலவழித்துக் கொண்டிருக்கும் நேரத்தில் தமிழகத்தில் அதை அழிக்க முயன்று வருவதை அனுமதி முடியாது .

இந்த திட்டத்தை நிறைவேற்ற பாரதீய ஜனதாவும விரும்புகிறது. ஆனால் இதன் மூலம் ராமர் பாலத்திற்கு சேதம் ஏற்படாத வகையில் இருக்க வேண்டும்.

இதை தடுக்க தமிழ்நாடு மட்டுமின்றி இந்திய அளவில் மக்களை ஒன்று திரட்டி போராட்டம் நடத்த முயற்சி மேற்கொள்ளப்பட்டு வருகிறது.

இதற்கு ராமர் பால பாதுகாப்பு இயக்கத்திற்கு பாரதீய ஜனதா கட்சி, ஜனதா கட்சி மற்றும் அனைத்து இந்து இயக்கங்களும் முழு ஆதரவு கொடுக்கும் என்றார்.

நன்றிங்க

அடடா...! பாரம்பர்ய சின்னத்தைப் பாதுகாப்பது பத்தி இவங்கெல்லாம் பேசலாமா? பாரம்பர்ய சின்னமும் முஸ்லிம்களின் வழிபாட்டுத் தலமுமாகிய பாபர் மஸ்ஜிதைக் காக்கவும் போராடுவீங்களா சாமி?